Политикэ лэжьакIуэ цIэрыIуэ, юридическэ щIэныгъэхэм я доктор, профессор, щIэныгъэ лэжьакIуэ гъуэзэджэ, Дунейпсо Адыгэ Хасэр къызэзыгъэпэщахэм яхэта икIи абы и япэ тхьэмадэу щыта Къалмыкъ Юрэ и фэеплъ пшыхь щекIуэкIащ Тэрч къалэ дэт Япэ лицеийм.

Къалмыкъ Юрий, адыгэ лъэпкъым и къуэ гъуэзэджэр, Урысейм и къэрал лэжьакIуэшхуэщ, профессорщ, юридическэ щIэныгъэхэм я докторщ, «УФ-м щIыхь зиIэ и юрист», «УФ-м щIэныгъэмкIэ щIыхь зиIэ и лэжьакIуэ» цIэ лъапIэхэр къыхуагъэфэщащ. Ар СССР-м и Совет Нэхъыщхьэм и депутату,  СССР-м и Совет Нэхъыщхьэм законодательствэмкIэ и комитетым и унафэщIу щытащ, Урысей Федерацэм юстицэмкIэ и министру лэжьащ. Ар законопроект зыбжанэ зыгъэхьэзырахэм яхэтащ, Граждан законодательствэм и лъабжьэхэмрэ Граждан кодексымрэ зэхэлъхьэным елэжьащ, Урысей Федерацэм и Конституцэм, УФ-м ПсэупIэмкIэ и кодексым я проектхэр зэхэзылъхьахэм ящыщщ. Къалмыкъ Юрий, адыгэ лъэпкъым и къуэ гъуэзэджэр, Урысейм и къэрал лэжьакIуэшхуэщ, профессорщ, юридическэ щIэныгъэхэм я докторщ, «УФ-м щIыхь зиIэ и юрист», «УФ-м щIэныгъэмкIэ щIыхь зиIэ и лэжьакIуэ» цIэ лъапIэхэр къыхуагъэфэщащ. Ар СССР-м и Совет Нэхъыщхьэм и депутату,               СССР-м и Совет Нэхъыщхьэм законодательствэмкIэ и комитетым и унафэщIу щытащ, Урысей Федерацэм юстицэмкIэ и министру лэжьащ. Ар законопроект зыбжанэ зыгъэхьэзырахэм яхэтащ, Граждан законодательствэм и лъабжьэхэмрэ Граждан кодексымрэ зэхэлъхьэным елэжьащ, Урысей Федерацэм и Конституцэм, УФ-м ПсэупIэмкIэ и кодексым я проектхэр зэхэзылъхьахэм ящыщщ. «ГъащIэр лъэбакъуэу хэпсэракъым, атIэ абы щхьэмыжу къыпыкIэращ»,- жиIащ жи. Мы гъэм илъэс 85 ирикъун хуея Къалмыкъ Юрэ езыр къытхэмытыжми, и щхьэмыж бэгъуахэм ноби лъэпкъыр иропсэу. Тхьэм абыи, нэгъуэщI ди цIыху гъуазэу къытхэмытыжхэми я фэеплъым хуэфэщэн лъэпкъыу дигъэпсэу.